التواضع وضبط النفس
http://upload.konozalsamaa.com/do.php?img=15600 ياللى بتبحث عن الرئاسة والجاه أوالسلطان
وعاوز ترضى نفسك بالمال ومناصب وكام نيشان
وخدم وحشم، وتأمر وتنهى والناس تمدحك وتبان
أبعد يا صاحبى وتواضع دا الله دائما مع الغلبان
المناصب والمال والسلطة شوك يجرح ملهمش أمان
وعجبى على رئيس يخلص حكمة قلوها زمان
دا صعب يرضى اللى بيرأسه ويبقى فى النيران
ومستحيل يرضى المرؤوسين ويتتبهدل وينهان
تتوجع راسه بالنهار من الهم والذم والاحزان
وبالليل يطير نومه ويفضل على الدوام قلقان
والاعداء حواليه والحساد كتير فى اى زمان ومكان
ويخاف على المنصب من بغلطه يوم تنكشف عيان
ومن ربنا يوم الحساب كمان صعب يكونهو الربحان
ابعد يا صاحبى، مالك نفسه وضابطها يعيش فرحان
وافضل من اللى بيحكم ويرسم على ناس او بلدان
واللى يعرف قدر نفسه يفضل يعيش مجهول كانسان
ويهرب من الكرامة والمناصب لا يلدغه التعبان
والذات ياما نفخت صاحبها وخسرته الابدية والايمان
والمال ياما اضل الناس وابعدها عن رحمة الرحمان
والكفن ملوهش جيوب وهنخرج عرايا زى ما اتولدا كمان
نحيا فى مخافة الله وخليك دايما قنوع وبقسمتك رضيان
ومتعولش امر الغد دا ربنا بيهتم بيه وبيقوت الطيور والغربان
وبيلبس زنابق الحقل ملابس ابهى من حلل الملك سليمان
أعمل الخير وصلى من اجل الغير وخليك بالايمان فرحان
وتواضع دا انت تراب وله راجع مهما طال بينا الزمان
مصير الغريب يروح لبلده ولو ظل أمين هيلبس التيجان
اسلك تملى فى نور ربك تعيش مستور وفى سلام وامان
واكتفى دائما بالله، دا كنوز العالم بالنسبة ليه حجر صوان
وصلى وقول يارب عرفنى أحبك واحيا معك التقوى والايمان
وادخل الى العمق مع الله، فى عشرة حب تعيش للابد شبعان
